ദേവ് ദത്ത് പാട്ട്നായക് എഴുതിയ ഗണേശ ചിന്തകള് എന്നെ വല്ലാതെ ആകര്ഷിച്ചു. ആവര്ത്തിക്കുന്ന വാക്യങ്ങളും തത്ത്വ ദര്ശനപരമായ പ്രയോഗങ്ങളും ഏറെയുണ്ട് . പക്ഷെ ഈ പുസ്തകത്തിലെ കഥകള് വായിച്ചപ്പോള് ഏതാണ്ട് ഇരുപതു വര്ഷം പിന്നോട്ട് പോയതുപോലെ തോന്നുന്നു. അമ്മ പറഞ്ഞു തന്ന കഥകളും അമ്പലത്തിലെ ഹരികഥ കാലക്ഷേപ കഥാകാരന്മാരുടെ അത്ഭുതപ്പെടുത്തുന്ന കഥകളും മനസ്സില് ഒന്നൂടെ കടന്നു പോയതു പോലെ തോന്നി. എന്നാലും ഇരുപതു വര്ഷം മുന്പുള്ള രീതിയിലല്ല ഞാന് ഇപ്പോള് കഥകള് ആസ്വദിക്കുന്നത് . കാര്യ കാരണങ്ങള് ചികഞ്ഞും, സ്വന്തവും ചുറ്റുമുള്ളതും ആയ ജീവിതങ്ങളുടെ പല ഘട്ടങ്ങള് കഥകളില് തുന്നിച്ചെര്ത്തും അവയെ അയവിറക്കുമ്പോള് മനസ്സ് പ്രക്ഷുബ്ധമാകുന്നു.
പുരാണങ്ങളെ പല കോണുകളിലൂടെ കണ്ട്, അവയെ കഥകളുമായി കോര്ത്തിണക്കാനുള്ള അദ്ദേഹത്തിന്റെ കഴിവ് അപാരം തന്നെ. പുസ്തകങ്ങളില് മനോഹരമായ ചിത്രീകരണവും അദ്ധേഹത്തിന്റെ തന്നെ.
http://devdutt.com/
http://www.flipkart.com/author/devdutt-p